الدونيت تكا اغرابو

الدونيت زود أخوتي الميزان أيترواس إلا كرا إزري كيس تودرت نتا تفكاس
إلي كرا تفكياس ياداخ إلاتكساس إلي كرا أوحدوت أيكا كامين أيتماس
إغ إكمر الزهر مقار يادلي كنطاس إلا إكيكيل إطاف باباس أولاإناس
أور إسن تكات أرد إك إدارن فلاس أولا أولينو كار إحبيبن سرسن فلاس
ويا أوزمز فلاغاك تيكمينو فلاس حق إسرنداغ غوكنس لاصاطاس
وكات الشيفور إطموبيلنك القياس كذا نميوجان لحديد إفاغ أغراس
إلوحتين نتا بوتنزا نناس إطاس إفل كرا غتمازيرت الفيلات نواناس
توزومت نباريس إكرى كيتون أحناس والي أور إحاضرن إلعيدنس أولا أيتماس
واطوطفيت الريش أميد إفكا أورواس أرزما الزين كان زود إفيس أيرواس
أدون إخلف ربي العركنك أياخماس إويغد إوطان أطبيب إميل لقمناس
غيلي أوضنغ نتانيت يوضنت كل نمرواس تاريكت أورتكا تيوسدون إلا أوحلاس
إشاطر أوكياو إكسود أولا غيتماس غار أدزرن الباز إفريك أغان إتركاس
أيان ميترول ماخ مداك إننان فساس أريتبان أول غيكي ودم إغ إلاس
إكا الحب الحرب إحتجانيت القرطاس أبولهوى دومارك أزان أغ السواس
منشك أنسكر دوقصيد نعاقل فلاس ساولغ فالبراد ألحب نساول فلاك
ساول فالموت تلا أبنادم عول فلاس ساولغ فالغرب أولا الحوز نسلم فلاس
ساولغ فالخير إما العيب نكين أونفغاس واهي كملغ أقصيذا صافي نسوس