شحــــــــــــال......................

شحال
شحال يقدني من الكلام
باش نزوق أيام
غادية بلا رجوع.....
و سعد معكس
وتقول
واش بغى يعطيني الطوع..
شحال يقدني من الكلام
باش تكف عيون دامعة
قهرها ظلام الليل
ما قهرو ضو شموع ..
شحال يقدني من الكلام
باش نغسل وجه متراب
من كثر الغبينة
غابت بشرتو
من رفاقة هم مغنان
جا غي ضيف زعمة زربان
سكن الذات
وخلى القلب منو مفزوع..
شحال يقدني من الكلام
باش نسكت هذ الفوام
البوطالة
دايرة للحق مناجل
و عتالة
و تزورك في زريعة الباطل
و تسقيها بدموع قلب
من حر الظلم ملسوع ..
شحال يقدني من الكلام
وانا عيت من الكلام
ولا رباح منو ديتو
حلاوة اللسان
والقلب ف الهم كديتو
ساعفت وساعفت
و هذ ابنادم الفكعان
والله ما رضيتو
هزيت كفوفي للرحمن
و الخير تما لقيتو
................المصدر منتديات دفاتر مع تحيات ابو ايوب